Paralajmërimi i Putin: Mund të ketë një sulm ndaj Koresë së Veriut




Presidenti i Rusisë, Vladimir Putin, ka paralajmëruar mundësinë e një sulmi global ndaj Koresë së Veriut, për të çarmatosur shtetin komunist.

“A mundet dikush që të nisë një sulm global? Mundet. A do të arrijë objektivat? Është e paqartë ”, u shpreh Putin duke shtuar se Koreja e Veriore është vendi më i izoluar i botës dhe askush nuk di gjithçka për të.

Ai shtoi se personalisht nuk ka “100% dijeni” për synimet e Koresë Veriore pasi është një shtet i mbyllur.

Këto deklarata, Presidenti rus i bëri në Forumin Ndërkombëtar të Efiçencës së Energjisë 2017, përcjell tvklan.al.

Sipas Putinit, retorika e ashpër dhe presioni që po bëhet kundër Penianit nga ndërkombëtarët, i japin më shumë pushtet udhëheqjes së Koresë së Veriut.

SHBA ka kërcënuar disa herë me luftë shtetin komunist, dhe anasjelltas.

Së fundmi, Presidenti Trump ka deklaruar se është e kotë të negociosh me diktatorin Kim Jong Un, të cilin kreu i Shtëpisë së Bardhë e quan “njeriu raketë”.




Be the first to comment

Leave a Reply