Maqedonia po bëhet pjesë e bashkësisë së transportit evropian




Për vetëm 100 ditë Qeveria e re siguroi 188,4 milionë euro grante për përmirësim të infrastrukturës rrugore, hekurudhore dhe komunale, deklaroi sot Ministri për transport dhe lidhje, Goran Sugarevski.

Në konferencën për shtyp të mbajtur për prezantimin e të bërave gjatë 100 ditëve të para të qeverisjes, ministri Sugarevski vlerësoi se Maqedonia po bëhet pjesë e bashkësisë së transportit të përbërë nga shtetet e Ballkanit Perëndimor dhe BE-së.

“E rritëm masën e hapësirës ajrore duke vendosur tri linja të reja drejt Romës, Maltës dhe Suedisë, e vazhduam afatin për legalizimin e ndërtimeve pa leje nga 1 janari deri më 31 dhjetor të vitit 2018, deri më 50 për qind i ulëm të gjitha çmimet që ofron Kadastra, gjetëm zgjidhje igjore për kthimin e autorizimeve të gjeodetëve privat, planifikuam dhe propozuam një sërë zgjidhje ligjore me të cilat e lehtësuam punën në sektorin e biznesit”, tha Sugarevski.

Në pyetjen e gazetarëve në lidhje me ndërprerjen e punimeve në ndërtimin e autostradave, Sigraveski tha se nuk ka ndërprerje dhe se ndërtimet do të vazhdojnë me dinamikën e dvshiruar në mënyrë me të cilën do të mbrohen interesat shtetëror nëpërmjet harxhimit të kontrolluar të mjeteve, duke mos dhënë numër konkret për shumën e harxhimeve shtesë në procesin e ndërtimit.

Ministri përmendi sigurimin e shumës prej 131 milionë euro, mjete të pakthyeshme nga BE-ja për përfundim të hekurudhës deri në Bullgari, pjesë e Korridorit 8, të cilin dy shtetet janë të detyruar ta përfundojnë deri në vitin 2027. Në pjesën e infrastrukturës rrugore, gjegjësisht për autostradat janë siguruar 41 milionë euro nëpërmjet Programit operativ për transport 2014-2020, ndërsa për ujësjellësit e komunave janë siguruar 12,5 milionë euro, nga të cilat 9,5 janë mjete të pakthyeshme./Telegrafi/




Be the first to comment

Leave a Reply