Edhe Levante e ndal Real Madridin (Video)




Pas Valencias, Real Madridi sërish ka barazuar në ligën elitare spanjolle, La Liga.

 

Madrilenët nuk kanë arritur të triumfojnë para shikuesve të vetë kundër Levantes duke luajtur baras, 1-1.

Reali pati shumë mundësi për shënim, por shënoi vetëm një gol përgjatë 90 minutave.

Në fakt, mysafirët kaluan në epërsi të parët në minutën e 12, kur Ivan Lopez “Ivi” shfrytëzoi shpërqendrimin e Daniel Carvajhalit.

Deri në fund të pjesës vendasit patën disa raste për shënim, por që vetëm një të tillë e shfrytëzuan.

Lucas Vazquez shfrytëzoi tollovinë para sonës së rreptësisë së kundërshtarit pas rivënies këndore dhe barazoi rezultatin.

Në pjesën e dytë, të besuarit e trajnerit Zinedine Zidane rreshtuan sulme të njëpasnjëshme, por nuk u tregonin të saktë para golit të mysafirëve.

E vetmja gjë që ja vlen të theksohet është kartoni i kuq i Marcelos, i cili u përjashtua prej ndeshjes në minutën e fundit të takimit.

Pas kësaj, Reali zë pozitën e katër të tabelës me pesë pikë, një më pak se lideri Barcelona që sonte do të zhvilloj derbin lokal kundër Espanyolit.




Be the first to comment

Leave a Reply