Eco-Guerila – Bilall Kasamit: Na mashtrove me Kazermën. Ke nënshkruar për park tash dëshiron ta bësh kompleks




Lëvizja Eco Guerilla duke respektuar parimin që të mos jetë palë në fushatën parazgjedhore, detyrohet të reagojë për publikimin e spotit publicitar të kandidatit për kryetar komune nga Lëvizja Besa z. Bilall Kasami. Në spotin 3D me titull “Kazerma nën udhëheqjen e Lëvizjes BESA” shihet plani për ndërtim të një kompleksi të objekteve banesore dhe qendër tregtare. Duam ti rikujtojmë që në datën 5 dhjetor 2016, ky subjekt bashkë me parti të tjera ka nënshkruar memorandum me Lëvizjen Eco Guerilla ku zotohen që do të angazhohen që qoftë si pozitë apo opozitë që Kazerma e Tetovës të shëndrohet në Park të qytetit. Kërkojmë që menjëherë të tërheqin spotin 3D ngaqë janë në kundërshtim me memorandumin e nënshkruar.

Tetova është një nga qytetet me më pak hapësira të gjelbërta dhe çdo tendencë betonizimi nga cilido subjekt do të kundërshtohet ashpër nga qytetarët.

Shembull i këtyre premtimeve boshe është edhe kryetarja aktuale e cila mandatin e fitoi me premtime për zgjidhjen e infrastrukturës efikase rrugore, linjën e rregullt të transportit publik, parkingje nëntoksore, ambient të pastër jetësor, parqe të gjelbërta që ruhen e mirëmbahen, kinema, muze, hapësira të posaçme për rekreacion. Moszgjidhja e deponisë dhe ujit për 4 vite e gjysëm dhe manipulimi elektoral para zgjedhjeve është nënçmim i inteligjencës së qytetarëve.

Prandaj, kërkojmë nga të gjithë kandidatët të jenë të kujdesshëm në premtimet që japin, me theks të veçantë kur bëhet fjalë për mbrojtjen e ambientit jetësor dhe planifikimit hapësinor.




Be the first to comment

Leave a Reply